【創業管理】危機⋯⋯早在危機前要處理,見盡「疫」 景下的人性

新型肺炎爆發至今已經差不多兩個多月,回望過去兩個月比想像中處理了九萬幾樣緊急決定,樣樣都要快要當期立斷,諗慢少少都會牽連好多樣嘢,想起我的新書《創業,沒有計劃輸》出版了一段日子,藉著此次實戰事作分享,做生意必會面臨的其中一件事:危機管理。

沒有危機意識就是最大的危機

臨過年知道呢單冠狀病毒情況唔對路,當時網上面已經有大量不知名口罩listing,但你問我敢唔敢係網上買其他國家嘅口罩,我份人係點大家都知,「品質管理」一直係我最大要求,未掂過未摸過又唔知邊度監管出貨我係絕對唔會入手,當刻已經和公司的光觸媒口罩供應商喪追貨,但一直追不到大量,貨期也說不定。

當機立斷,飛去東京撲口罩

到了初一,情況更壞,但我實在沒有其他門路找到大量合規格口罩,唯有上日本Amazon。咦,好多貨!但原來已全是炒價,起碼港幣$4一個,都唔緊要,照買,安全要緊。本來用集運 ,但寄出一批,日本郵政因貨量過多hold起咗,集運一直無消息⋯⋯集運EMS靠不住,於是我同老公年即時飛去東京,直接喺Amazon 訂口罩到東京屋企,我們在家收件。(個情況係當刻日本藥房都仲係買到口罩,到後來先得返amazon 有得賣,而普遍日本街上嘅市民絕大部分沒帶配戴口罩!)

到了初三初四,日本amazon已經炒到女裝8蚊個,男裝同小童10蚊個!都唔理,日日係咁撳撳撳撳。後來仲開始限購,要分好多個seller,好多個order先訂得幾盒。收到貨之後,大可以立即用DHL轉運返港,貴不是問題,是不放心,始終經過太多的手,唯有找同事自願飛過來取貨(但都好擔心同事出現在機場/飛機高危地方)。分了前後兩次飛兩轉運送口罩,一位同事晚機來早機返飛一轉,到下星期另一位同事再飛一轉,真人DHL了過萬個口罩,分了給同事,親友,同事家屬,比朋友代發到基層市民,又靠一位醫生朋友分給其他醫護同事。

感謝 MI MING MART 兩位同事自願飛過來取口罩回港。
為了減少碳排放,我哋拆曬盒放在真空防水壓縮袋,再回收紙盒,海外訂購的可以參考這做法。

二月十幾二十號日本個案爆升再加上日本政府好廢,仲要得一半人肯出街戴口罩!所以即刻番香港。香港雖然有確診,但係最最最重要係香港多過9成人戴口罩,有強烈防護意識,所以係安全好多!而返到香港又係處理防疫用品嘅開始⋯⋯

口罩之亂:混水摸魚、發國難財無處不在

世界很凶險,好多人email我問MI MING MART要唔要入口罩,有時見到spec唔合規格,好多比唔到證書,(大把人爭住買,我哋問人攞證書,人哋睬我都傻)比到我又要due diligence,有些飛來蜢我根本就唔信間公司又點會信佢份證書。最搞笑係佢地嘅email title 寫住咩「為你呈獻⋯⋯史上第一個可以清洗口罩」(明明只能抗細菌,不能抗病毒)仲有好多層出不窮誇張失實嘅標題,睇完真係當堂嚇一跳,然後得啖笑。

除了口罩,有消毒用品的supplier 夠膽死send 枝消毒產品俾我暗示枝產品好有效(睇完酒精含量得40%),但個email 加份附件寫WHO建議酒精含量70%以上酒精能有效消毒,咁即係你枝嘢係有定無呢? 以上不負責任的批發商,若然有消費者追究,有機會係可以告佢地違反商品說明條例。

做個負責任的老闆,員工才是公司最大財產

  • 員工安全:唔講企唔企業,只要你係作為一間公司嘅老闆,就必須要提供一個安全環境(口罩、良好衛生工作環境)給公司前線同事,所以我係必須要為大家撲口罩!(內部員工亦會安排Home Office),以上是我認為作為一個負責任的老闆所為。
  • 增加前線員工每月多2天例假(不是no paid leave),前線同事亦會stick to 同一門市上班,減低不同社交接觸比率。
  • 物流部同事除了增多例假外,為防有一個員工出事(touchwood!),就會停哂所有門市物流,實行AB team 上班制,以確保公司正常運作。

安排最壞打算的細節

當然,亦要作最壞最壞的打算,若果門市有顧客或前線有感染的話,關店、整間店鋪消毒安排、甚至連facebook的announcement feed,若一早要到店拎貨的客人、同一間門市上班員工的隔離安排、人手調配等都已經一一準備好,為求對公司損失減至最低和對公眾負起最基本的企業責任。

重新審視工作伙伴的好機會

工作伙伴除了員工,還有業主。 10間店鋪,有一半以上的業主都肯減租予MI MING MART 共度時艱,但亦有些業主要我地交些大量數據、報告等去說服,某些業主可能會將減租的quota先派給損失較我慘重的商戶,但作為長期的合作伙伴,我認為不應以生意傷亡率高低而定為優先減租條件。 以上種種我更會視為一個好機會去審視與工作伙伴未來合作的可行性。

堅持MI MING MART一貫標準:更謹慎審查防疫用品的來源和成分

由疫情一開始,你亂咁出隻合理價錢的消毒噴霧都會賣到滿堂紅,MI MING MART 的宗旨依舊,只會入優質產品,要有曬來源地、全成分表及composition%真確,未做過動物測試,安全穩定不致敏,所有產品包裝和宣傳字眼提及過的claims全部都要有proof,公開透明地同消費者交代。

神隊友加新隊友加持

當下立刻搵神隊友 SYNERGIE SKIN® Terri 傾傾,立刻都為我地整了一枝 植物酒精消毒噴霧,而一直傾緊一個北歐牌子(心儀佢地嘅維他命)原來有枝堅料,係一枝 芫荽油75%酒精護手霜 (搓手cream),《 一click 重溫:【抗疫新星】瑞典新貴:酒精護手「霜 」HOMIE Desicreme

Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.

傾完都唔係即時寄貨㗎!就算係神隊友SYNERGIE SKIN® 都需要提供大量文件俾我地去核實:要提交產品消毒成效、產地、酒精含量、消滅細菌等等証明,所以到介紹俾大家嘅時候,已經過了市面的黃金搶購階段了,但MI MING MART 抱住一個宗旨,係要確保每一個產品都係安全、無毒、無任何對人體有害成份。

PLABEAU高速粒子美容機「疫」境下敏感救星

咁啱得咁橋,韓國光雲大學電子生物物理學系曹光燮教授點名強烈建議大家用Plabeau消毒皮膚,因為Plabeau高速粒子美容機的Cold Atmospheric Plasma技術有研究做過,可以消毒SARS冠狀病毒🦠!而SARS同今次新型冠狀病毒有8成相似,幾秒之內已經可以完成消毒過程,快過用酒精,仲有抗皺保濕“副作用”,日日帶出街放在手袋,幾時都可以攞出來嘟手、嘟面、嘟頸,幫小朋友身體消毒又得。 日日大家上網打 “cold plasma virus”都會搵到好多研究。要注意的是plabeau這部機器不像空氣清新機,要*接*觸*皮*膚*才能消毒皮膚,*不能*隔*空*消*毒*空*氣*。

韓國光雲大學自然科學學院的官方文件內容翻譯全文如下:

踏入2020年,在中國武漢引發的新型冠狀病毒引成為了大型流行病,蔓延至約28個國家,超過28,000人受到病毒感染。有見及此,我必須強調低溫等離子技術 (Cold atmospheric plasma)的重要性及其消毒冠狀病毒的能力。此技術過往進行過多次研究及冠狀病毒消毒測試,測試對象包括為早前的冠狀病毒---SARS,測試數據顯示低溫等離子技術只需幾秒鐘便能完成冠狀病毒消毒過程。 根據我超過10多年的研究經驗,我強烈建議使用可產生低溫等離子(Cold atmospheric plasma) 的消毒儀器,例如PLABEAU高速粒子美容機 S1 及G4+,作為消毒皮膚的有效工具。 曹光燮教授 生物等離子實驗室 電子生物物理學系 韓國光雲大學2020年2月6日

總結:停一停,諗一諗啦,唔好做傻豬

好多朋友send好多電子產品比我問呢個可唔可以殺菌,嗰個可唔可以消病毒。什麼掛頸的幾百蚊機器,放吓負離子咁,你話呢🤨?要殺死漂浮空氣裡面既病毒,起碼要一部好有份量同科技的大型空氣清新機(隔離病房用那種)。明白大部人都會好擔心無口罩無防疫用品,但選購嘅同時唔好失去理性判斷,萬事謹慎,唔好太早掉以輕心,stay home 抗疫!

發表回覆