【加洲之旅④】 絕美寶石湖色:遊北美最大的高山湖 (Lake Tahoe)、Emerald Bay + Airbnb 中伏分享(教你拆解陷阱位)

文章目錄

到San francisco探完細佬後,下個行程就係自駕去北美最大最高嘅湖 Lake Tahoe了,由SF 過去都花點時間,太慨3個零鐘車程啦。

Lake Tahoe 嘅湖色呈寶石藍色,靚到連filter都唔駛落。

南湖區 VS 北湖區,玩邊區好?

以下擷自維基百科:
太浩湖(英語:Lake Tahoe)是一個位於美國加利福尼亞州和內華達州邊界上的湖泊,在內華達州首府卡森城以西約10英里,海拔1,897公尺的地方。它是北美最大的高山湖泊。湖旁邊有一個名叫翡翠灣的小湖(Emerald Bay),是人工挖通的。命名為翡翠灣,是因為它的水的顏色是綠色的!Lake Tahoe 周圍坐落著許多滑雪場,露營地和遊覽景點。高山和湖泊一年四季都吸引著眾多的遊客。

map by:www.gotahoenorth.com

Lake Tahoe 的湖岸線全長116公里,湖面面積為490平方公里。南、北太浩湖的美景都略有不同,開車環湖一圈約為2個小時(中間不停車)。另外,由於太浩湖主要道路只有一條,建議以 South Lake Tahoe 為起點,並以「順時針」方式環湖。順時針環湖時,若想下車散步,無須變更方向或轉換車道,而大部分重要景點幾乎都集中在South Lake Tahoe,酒店餐廳亦係南邊為主。

先遊山後玩水

我們先由Trailhead 開始hiking 然後到Kings Beach 撐獨木舟,本來想租水上電單車,但原來要早好多好多book嘅,如果要玩水上活動嘅人要注意啦。

Trailhead 步道
食咗美白丸,唔怕!
同個湖影返張合照先

一Click 即睇遊Lake Tahoe 行程準備

防曬、補妝、消毒、準備得妥妥當當

落到 Kings Beach 全部人都無帶口罩,好驚
我地都係影相先除一除罩
影完靚仔相一定要帶返罩

Airbnb 連續中伏記! 要格外留心一種房型

一直揀Airbnb 都好小心,點都會有「打個8折」嘅心理準備,因為圖一定放最靚果張出嚟,今次LA 同埋 Lake Tahoe 的Airbnb都先後中伏,先講第一間LA 嘅aibnb,去到時host 失聯,圖文不符之間房勁細,出門要行條長樓梯,但完全無提及過。仲有一樣要留意,係呢間嘢叫Guest Suite,外國嚟講呢種房多數都係間屋後面獨立出嚟嘅一間小屋,類似雜物房/工人房用途!(呢間已經係 Aibnb plus*)原來plus 都會咁,激鬼死想cancel,但cancel 嘅話唔係話走就走,每間屋都有唔同嘅cancellation policy ,要完成哂先有機會拎得返Refund。!

(擷自Airbnb 官網)Airbnb plus :只有最優質的旅居與細心接待、評價超高的旅居主人,才能加入Airbnb Plus旅居系列。 所有旅居都經過專人仔細評估,確保旅居品質卓越且獨具風格, 找 PLUS 徽章就對了。

第一間Airbnb:(LA)

呃人嘅入口,睇相以為得幾步路,點知⋯⋯

Airbnb host 提供的圖








現實係

仲要行過一個大泳池先到呢個地方!
呢條樓梯完全無係網站list 出嚟!

最後,我地上到房連行李都放唔到,連一張正常嘅寫字檯都無,立刻雞咁腳就走咗⋯⋯

仲未完⋯⋯第2間airbnb一樣天氣不似如期

第2間中小伏嘅係Lake Tahoe嘅 airbnb 都唔係平,睇相就好好陽光,但入面嘅相係冬天景,啲雪會反光,所以成間屋好光猛,但我地去到係夏天,間屋暗咗一大截!而去到亦見到床單都有污漬,立即影相同host 講,佢都有refund 我地cleaning fee(留意下有時bnb cleaning fee會收貴你從而賺錢)

第2間Airbnb:(Lake Tahoe)

教你拆解Airbnb 最易忽略的5大中伏位!

  1. 相片唔好信十足,要有「打8折」的心理準備

  2. 盡量揀一間bnb 提供多啲不同時間和季節的相片,歐洲的話要留意冬天雪地反光入屋,感覺同夏天有頗大落差

  3. 留意bnb 和公共設施的距離,幾多分鐘先會出到大街?(e.g停車場/交通工具/便利店)要知道Airbnb有啲係住宅位置,未必好方便

  4. 如果係商務trip,要用電腦工作,揀果時要係feature度揀相對要有嘅傢私(e.g 書和椅子)

  5. 盡量都睇哂住客留言,有一個負面留言都要諗清楚租唔租

  6. 留意Cancel policy (間間唔同,要睇下有問題點先可以refund

Day 2:尋找翠綠色海灣

第2日我地去了個地方叫Secret Cove的石灘,水特別清又無乜人,位置:

然後就坐cruise 去Emerald bay,海水水同Lake Tahoe 真係唔同,翠綠色的海水!

見唔見到遠處嘅湖水已經唔同咗?

發表回覆